Pasamuan 6

Paplajahan 6: Para Krama Sang Hyang Yesuse Sampun Kasikiang

Epesus 2:1-22

Pasal kalih puniki kaambil saking surat dane Paulus kapining para krama druen Sang Hyang Yesuse ring Kota Epesus. Ring pasal sane kapertama, dane Paulus sampun nulis indik wara nugraha saking Sang Hyang Yesus Kristus, inggih punika Juru Rahayun anake sane pracaya ring Ida. Punika mawinan Sang Hyang Pengardi kaagungang. Turmaning dane Paulus setata mapinunas mangda anake sane ngwacen surat danene prasida ngerti indik Sang Hyang Yesus Maha Kuasa ring sekala lan niskala.

Idumun urip ragane malaksana tur nglanggar prentah Sang Hyang Pengardine. Indike punika ragane kasambat padem. 2 Ragane malaksana sekadi punika krana ragane ninutin parisolah jaat gumine puniki. Krana ragane idumun ninutin sane nguasain roh-roh jaate ring niskala. Ratun para setane punika pada nguasain manusane sane nenten satinut ring Sang Hyang Pengardi.

3 Sujatine idumun iraga makasami sekadi punika. Iraga maurip ninutin sakita keneh iragane tur ngulurin indria lan papineh padidi. Duk punika iraga pateh sekadi anake lianan, inggih punika keni ukuman saking Sang Hyang Pengardi. 4 Nanging Sang Hyang Pengardi kalintang lan tresna ageng kapining iraga. 5 Punika mawinan Ida nguripin iraga dados anyar sareng-sareng Sang Hyang , dugas iraga kari malaksana dosa lan kasambat padem. Sane mangkin malantaran wara nugraha Sang Hyang Pengardine ragane . 6 Sang Hyang Pengardi nguripin iraga sami sareng-sareng Sang Hyang Kristus, raris Ida ngicen mangda iraga mamrentah sareng Sang Hyang Kristus ring . 7 Sang Hyang Pengardi nglaksanayang sekadi punika mangdane tatkala jamane sane jagi rauh, iraga prasida nyingakin wara nugraha saking Ida sane kalintang agung tan kadi-kadi. Wara nugraha punika sampun kaedengang krana tresna asih Sang Hyang Kristus Yesus ring iraga sami. 8 Wara nugraha saking Sang Hyang Pengardine sampun nylametang ragane sami krana ragane pracaya ring Sang Hyang Yesus. Ragane slamet boya ja krana utsahan ragane padidi, nanging krana pican Sang Hyang Pengardine. 9 Sujatine ragane slamet nenten ja ulian nglaksanayang parilaksana sane becik. Punika mawinan sampunang ja wenten anak sane sumbar. 10 Sane mangkin iraga nenten tios asil pakaryan Sang Hyang Pengardi. Iraga sane masikian sareng Sang Hyang Kristus Yesus kaciptayang dados anyar mangda iraga nglaksanayang pakaryan-pakaryan sane becik. Saluirin pakaryane punika sampun kasadyayang olih Sang Hyang Pengardi saking pengawitne mangda laksanayang iraga.

11 Eling ja, ragane sane nenten ja soroh sentanan anak Yahudi! Anak Yahudi idumun ngamanggil ragane sami anak nenten masunat. Nanging, yadiastun ipun bangga ulian deweknyane masunat, sujatine sunat ipune wantah paindikan sekala sane kakaryanin olih tangan manusa. 12 Duk punika ragane dereng madue pasawitran sareng Sang Hyang Kristus. Kenten pada ragane nenten ja warga Israel lan nenten nerima duman janji-janji sane kalaksanayang olih Sang Hyang Pengardi ring bangsa Israele punika. Idumun ragane nenten sida nyantosang urip sujati sane wenten ring swarga. Kenten pada ragane palas saking Sang Hyang Pengardi ring jagate puniki. 13 Idumun ragane sane nenten Yahudi adoh saking Sang Hyang Pengardi. Nanging mangkin ragane sampun nampek ring Ida krana Ida seda buat ragane. Punika mawinan ragane dados masikian sareng Sang Hyang Kristus Yesus.

14 Krana Sang Hyang Kristus sane dados sumber dame iragane, Ida sane nyikiang anak Yahudine sareng anak nenten Yahudine. Idumun iraga sekadi kabelatin tembok tur saling gedegin. Nanging Sang Hyang Kristus sampun menyahang tembok pabelate punika mangda kalih soroh kadadosang asiki. 15 Malantaran anggan Sang Hyang Kristus Yesus sane kasalibang, iraga kabebasang saking ukum agama Yahudine, inggih punika sekancan prentah lan awig-awige punika. Sang Hyang Kristus nglaksanayang sekadi punika mangda ngardi asiki soroh manusa sane anyar saking kalih soroh: anak Yahudi lan nenten Yahudi. Sekadi punika Sang Hyang Kristus Yesus makardi dame ring makakalih sorohe punika sane idumun mamusuh. 16 Turmaning, duk Sang Hyang Kristus seda ring , makakalih sorohe punika mawali kadameang sareng Sang Hyang Pengardi. Punika mawinan ipun nenten kari mamusuh. 17 Sang Hyang Kristus rauh midartayang indik dame ring anak nenten Yahudi sane adoh saking Sang Hyang Pengardi. Kenten pada Ida midartayang indik dame ring anak Yahudine sane nampek ring Sang Hyang Pengardi. 18 Malantaran Sang Hyang Yesus iraga sami, inggih punika anak Yahudi wiadin nenten Yahudi, mresidayang tangkil ring malantaran sane asiki.

19 Nah sane mangkin, ragane nenten ja dados tamiu malih. Nanging ragane pada sampun dados krama suci Sang Hyang Pengardi. Ragane pada kaluargan Sang Hyang Pengardi. 20 Kenten pada iraga sekadi wangunan sane kawangun ring duur dasar Sang Hyang Kristus lan para . Turmaning Sang Hyang Kristus Yesus punika dados batu dasar utama. 21 Iraga puniki sekadi wangunan sane kajujukang kukuh olih Sang Hyang Kristus. Wangunane punika jagi ngancan ageng lan dados genah suci druen Sang Ratu Agung. 22 Krana ragane sampun masikian sareng Sang Hyang Kristus, sekadi punika ragane sareng krama lianan dados wangunan asiki. Ring wangunane punika Sang Hyang Pengardi malinggih malantaran Roh Idane.

Penuntun mabligbagan ring pasamuan

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?"

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

i. “Napi sane plajahin iraga indik Sang Hyang Tunggal ring ceritane puniki?”

ii. “Napi sane plajahin iraga indik manusa saking ceritane puniki?”

iii. “Sekadi napike sapatutne iraga nyalanang idup manut pengajahane puniki?"

iv. “Kapining sirake sapatutne iraga nyeritayang malih ceritane puniki?”

.